បន្ទាយមានជ័យ៖ អតីតយុទ្ធជនក្នុងក្រុងសិរីសោភ័ណ ខេត្តបន្ទាយមានជ័យ ថ្លែងអំណរគុណដល់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលតែងតែគិតគូរពីសុខទុក្ខពួកគាត់ដែលជាអតីតយុទ្ធជន បាត់បង់សមត្ថភាពជាមួយការផ្តល់ជាការវ៉ាក់សាំងដូសទី៣ (ដូសជំរុញ) ក្នុងការការពារការចម្លងពីជំងឺកូវីដ-១៩។ និងបានជូនពរដល់សម្តេចទាំងពីរមានសុខភាពល្អបរិបូណ៌ ប្រាជ្ញាឈ្លាសវៃដើម្បីបន្តដឹកនាំប្រទេសជាតិឲ្យកាន់តែមានការអភិវឌ្ឍបន្ថែមទៀត។

នេះជាការលើកឡើងរបស់អតីតយុទ្ធជននាឱកាសដែលទទួលបាននូវការចាក់វ៉ាក់សាំងដូសទី៣ (ដូសជំរុញ) ប្រភេទ AstraZeneca ដែលជាអំណោយដ៏ថ្លៃថ្លារបស់នាយករដ្ឋមន្ត្រីកម្ពុជាសម្តេចតេជោ ហ៊ុន សែន ចាក់ជូនអតីតយុទ្ធជន និងគ្រួសារ ក្នុងក្រុសិរីសោភ័ណ ចំនួន៩៣៣នាក់ ដែលធ្វើឡើងនៅទីបញ្ជាការតំបន់ប្រតិបត្តិការសឹករងខេត្តបន្ទាយមានជ័យ នៅព្រឹកថ្ងៃទី១២ ខែសីហា ឆ្នាំ២០២១នេះ។

ទន្ទឹមនឹងនោះជាមួយគ្នាបងប្អូនអតីតយុទ្ធជនក៏បានលើកឡើងថា ការទទួលបាននូវវ៉ាក់សាំងនាពេលនេះវាពិតជាមានសារៈសំខាន់ណាស់សម្រាប់ពួកគាត់ការពារពីការឆ្លងរីករាលដាលនៃជំងឺកូវីដ-១៩។ ជាមួយនឹងការទទួលបាននូវវ៉ាក់សាំងនេះទៀតសោត អតីតយុទ្ធជនបានសំដែងនូវក្តីរំភើបរីករាយដែលបានទទួលនូវការគិតគូរពីប្រមុខថ្នាក់ដឹកនាំពិសេសសម្តេចតេជោ ហ៊ុន សែន និងសម្តេចគតិព្រឹទ្ធបណ្ឌិត។

នេះជាការគិតគូររបស់ប្រមុខរាជរដ្ឋាភិបាលកម្ពុជា ដែលមានសម្តេចតេជោនាយករដ្ឋមន្ត្រី ដែលគិតគូរពីសុខទុក្ខរបស់បងប្អូនអតីតយុទ្ធជនដែលបានពលីកន្លងមកក្នុងបុព្វហេតុការពារទឹកដី ជាតិមាតុភូមិ ពីពួកសត្រូវឈ្លានពាន និងបានលះបង់នូវសាច់ស្រស់ឈាមស្រស់ ក្រុមគ្រួសារដើម្បីប្រទេសជាតិមានការទទួលបានសុខសន្តិភាព និងមានការអភិវឌ្ឍរីកចម្រើនគួឲ្យគត់សំគាល់នាពេលច្ចុប្បន្ននេះ៕